Bloues herstel glorie met oorwinning

Malmesbury Rugbyklub, bekend as die Bloues, het 'n merkwaardige terugkeer gemaak na hul teleurstellende nederlaag teen Oceans United verlede naweek. 

Onder uitdagende toestande, met nat velde en aanhoudende reën, het die Bloues steeds daarin geslaag om aanvallende rugby van hoogstaande gehalte te speel. Hulle het hul teenstanders, Young Stars van die Paarl, oortuigend met 61-5 verslaan.

Die Bloues het weer op dreef gekom en teruggekeer na hul glorie dae op die Dieprivier Sportgronde. Die span werk hard daaraan weer om 'n krag in die Boland te word.

Die Bloues het ook hul dank uitgespreek teenoor hul borg, Suzuki Malmesbury, wat 'n uitstalling tydens die wedstryd aangebied het en 'n groot rol speel in die klub se sukses. Kristoff Isaacs en Gustav Myburgh het skitterend gespeel en is aangewys as gesamentlike spelers van die wedstryd.

Soos die seisoen sy einde nader, is die bestuur en afrigtingspan hard besig om te beplan vir volgende jaar. 

Die klub is tans in 'n besige groeiproses en verwag om nuwe, jong talent in te bring. Die Bloues bly toegewyd om 'n omgewing te skep wat ideaal is vir die ontwikkeling van jong spelers.