Malmesbury Tennis presteer in liga

Malmesbury Tennisklub het die afgelope naweek die Suid-Boland Tennis Liga se prysuitdeling-funksie bygewoon en hul indrukwekkende prestasies in die 5de liga gevier. 

Die C-span het hierdie seisoen onoorwonne gebly en die liga afgesluit met 'n indrukwekkende 87 punte.

Vredenburg het tweede geëindig met 71 punte, terwyl Kuilsrivier Tennisklub derde was met 69 punte.

Bestuurslede Kristoff Isaacs, Jean le Roux, en David Isaacs het die klub met trots by die prysuitdeling-funksie in Somerset-Wes verteenwoordig.

Die klub het ook 'n spesiale dank uitgespreek aan die Mount Royal Treasury Trust vir hul waardevolle bydrae tot die opgradering van die tennisbane se oppervlak. 

Hierdie ondersteuning het 'n beduidende verskil gemaak en die klub in staat gestel om vol selfvertroue aan die liga deel te neem.

ONDERSKRIF: Lede van die Malmesbury Tennisklub se bestuur saam met Corlia Spies van die Mount Royal Treasury Trust en Christian Booys van die Swartland Munisipaliteit.